روسي صدر پيوٽن ۽ اسرائيلي وزيراعظم نيتن ياهو وچ ۾ ٽيليفونڪ رابطو، صدر ٽرمپ جي امن منصوبي تي بحث

روسي صدر ولاديمير پيوٽن ۽ اسرائيلي وزيراعظم نيتن ياهو وچ ۾ ٽيليفونڪ رابطو ٿيو آهي. ڪريملن موجب، ٻنهي اڳواڻن وچ اوڀر جي صورتحال ۽ صدر ٽرمپ جي امن منصوبي تي ڳالهه ٻوله ٿي. ميڊيا رپورٽن موجب ٻنهي اڳواڻن ايراني ايٽمي پروگرام بابت مسئلن جو ڳالهين ذريعي حل ڪڍڻ ۾ دلچسپي جو اظهار ڪيو. پيوٽن ۽ نيتن ياهو وچ ۾ شام ۾ وڌيڪ استحڪام تي به ڳالهه ٻولهه ٿي.