روس جي نجي مليشيا جي ويگنر گروپ جي سربراهه يوگيني پريگوزين جي تباهه ٿيل جهاز جو بليڪ باڪس ملي ويو.
روس جو چوڻ آهي ته يوگيني پريگوزين جي جهاز جو بليڪ باڪس ملي ويو آهي، جاچ ٽيمون تباهه ٿيل جهاز جي ماليڪولر جينيٽڪ ٽيسٽون ڪري رهيون آهن.
ٻئي پاسي بيلاورس جي صدر الگيزيندر لوڪاشنڪوف يوگيني پريگوزين جي جان کي خطرو هئڻ جو انڪشاف ڪيو آهي.
بيلاروس جي صدر موجب، ويگنر سربراهه جو جهاز ڪيئن تباهه ٿيو ان بابت فلحال ڪجهه نٿو چئي سگھجي، پر يوگيني پريگوزين جي قتل جي سازش ماضي ۾ ڪئي وئي هئي.
واضع رهي ته اربع ڏينهن روس ۾ جهاز حادثي ۾ روسي نجي مليشيا جي ويگنر گروپ جي سربراهه يوگيني پريگوزين سميت 10 ڄڻا اجل جو شڪار ٿيا هئا.ان کان اڳ امريڪي پرڏيهي کاتي پينٽاگون الزام لڳائيندي چيو هو ته روس ويگنر سربراهه جي جهاز کي ڌماڪي سان اڏايو آهي.
امريڪي صدر جوبائيڊن روسي هم منصب تي الزام لڳائيندي چيو هو ته ويگنر گروپ جي سربراهه جي موت پويان پيوٽن جو هٿ ٿي سگھي ٿو.
