ريلوي کاتي 11 آڪٽوبر کان ڪوئيٽا کان ٽرين سروس بحال ڪرڻ جو فيصلو

ريلوي کاتي 11 آڪٽوبر کان ڪوئيٽا کان ٽرين سروس بحال ڪرڻ جو فيصلو ڪيو آهي.

سي اي او ريلوي طرفان ڊويزنل سپرنٽينڊنٽ ڪوئيٽا کي لکيل خط ۾ چيو ويو آهي ته ريلوي کاتي 11 آڪٽوبر کان ڪوئيٽا کان اندرين ملڪ ٽرين سروس بحال ڪرڻ جو فيصلو ڪيو آهي.

خط ۾ چيو ويو آهي ته پشاور لاءِ جعفر ايڪسپريس کي 11 آڪٽوبر تي صبح 9 وڳي روانو ڪيو ويندو.

ان حوالي سان ريلوي عملدارن جو چوڻ آهي ته دوزان پل جو مرمتي ڪم 10 ڏينهن ۾ مڪمل ڪيو ويندو جنهن کانپوءِ ٽرائل ڪيو ويندو، ٽرائل مڪمل ٿيڻ کانپوءِ 11 آڪٽوبر تي اندرين ملڪ لاءِ ٽرين سروس بحال ڪئي ويندي.

ريلوي اختيارين موجب دوزان پل 26 آگسٽ تي تخريبڪاري جي واقعي ۾ تباهه ٿي هئي، جنهن سبب ٽرين سروس معطل ڪئي وئي هئي.