- Advertisement -
ڪراچيءَ جي علائقي ايف سي ايريا لياقت آباد ۾ رينجرز ڳجهي ڄاڻ جي بنياد تي ڪارروائي ڪندي ڦر، اسٽريٽ ڪرائيم ۽ منشيات وڪري جي ڪيترين ئي وارداتن ۾ ملوث چئن جوابدارن کي گرفتار ڪري ورتو.
رينجرز ترجمان جو چوڻ آهي ته گرفتار جوابدارن ۾ انس عرف شاني، سيد طاهر حسين عرف ضياءَ، محمد جاويد عرف چپٽا ۽ دانيال عرف ڪلر والا شامل آهن.
رينجرز ترجمان موجب، جوابدارن وٽان وارداتن ۾ استعمال ٿيندڙ هڪ بنا لائسنس 30 بور پسٽل، گوليون، هڪ ڊمي پسٽل، 7 موبائل فون، موٽرسائيڪل ۽ روڪ رقم هٿ ڪئي وئي آهي.
رينجرز ترجمان جو چوڻ آهي ته شروعاتي ڄاڻ موجب گرفتار جوابدار هڪ منظم ٽولي جو حصو آهي جيڪي ڪراچي جي علائقي ايف سي ايريا لياقت آباد ٽائون ۾ هٿيارن جي زور تي ڦر، منشيات وڪري، موٽرسائيڪل ۽ موبائل کسڻ جي وارداتن ۾ ملوث آهن.
رينجرز ترجمان موجب، گرفتار جوابدار عادي ڏوهاري آهن ۽ سندن خلاف شهر جي مختلف ٿاڻن تي ڪيترائي ڪيس داخل آهن، جوابدارن جي ساٿين جي گرفتاري لاءِ ڇاپا هنيا پيا وڃن.
رينجرز ترجمان جو چوڻ آهي ته گرفتار جوابدارن کي هٿيارن ۽ ٻي سامان سميت وڌيڪ قانوني ڪارروائي لاءِ پوليس حوالي ڪيو ويو………
- Advertisement -
