حڪومت، ڀارت ۾ رٿيل ڪرڪيٽ ورلڊڪپ ۾ قومي ٽيم جي شرڪت آءِ سي سي طرفان سڪيورٽي جي گارنٽي سان مشروط ڪئي آهي.
وزيراعظم شهبازشريف طرفان جوڙيل هاءِ پروفائل ڪميٽي جو اجلاس پرڏيهي وزير بلاول ڀٽو زرداريءَ جي صدارت هيٺ ٿيو، جنهن ۾ ڀارت ۾ رٿيل ورلڊڪپ ۾ قومي ٽيم جي شرڪت وارن معاملن تي غور ڪيو ويو.
اجلاس دوران حڪومت قومي ٽيم جي سڪيورٽي جو معاملو انٽرنيشنل ڪرڪيٽ ڪائونسل آڏو اٿارڻ فيصلو ڪيو ويو.
هاءِ پروفائل ڪميٽيءَ جو چوڻ هو ته قومي ٽيم جي ڀارت ۾ سڪيورٽي تي ڪو به ڪمپرومائيز نه ڪيو ويندو، سڪيورٽي جي گارنٽي ملڻ تي ئي ٽيم ڀارت ويندي. ذڪا اشرف حڪومت جي خدشن بابت آءِ سي سي کي آگاهه ڪندو
