اسلام آباد هائيڪورٽ سائفر ڪيس ۾ تحريڪ انصاف چيئرمين جي ضمانت ۽ ڪيس خارج ڪرڻ بابت درخواستون رد ڪري ڇڏيون آهن.
اسلام آباد هائيڪورٽ جي چيف جسٽس عامر فاروق، پي ٽي آءِ چيئرمين جي درخواستن تي محفوظ ٿيل فيصلو ٻڌائي ڇڏيو.
عدالت سائفر ڪيس ۾ تحريڪ انصاف چيئرمين جي ضمانت رد ڪري ڇڏي.
عدالت پي ٽي آءِ چيئرمين جي ڪيس خارج ڪرڻ بابت درخواست به رد ڪئي.
اسلام آباد هائيڪورٽ ڌرين جا دليل ٻڌڻ بعد 16 آڪٽوبر تي فيصلو محفوظ ڪيو هو.
سائفر ڪيس ۾ آفيشل سيڪريٽ ايڪٽ بابت خاص عدالت پهريان ئي تحريڪ انصاف چيئرمين جي ضمانت بابت درخواست رد ڪري ڇڏي هئي جنهن بعد پي ٽي آءِ چيئرمين اسلام آباد هائيڪورٽ ۾ درخواست داخل ڪرائي هئي.
پي ٽي آءِ چيئرمين هن وقت سائفر ڪيس ۾ جوڊيشل رمانڊ تي جيل ۾ آهي.
