سامونڊي فوج جي سربراهه ايڊمرل نويد اشرف آمريڪا جو دورو

سامونڊي فوج جي سربراهه ايڊمرل نويد اشرف آمريڪا جو دورو ڪيو، جتي آمريڪي سامونڊي ۽ سول قيادت سان اهم ملاقاتون ڪيون، جن سان دفاعي سهڪار کي هٿي ملندي. آءِ ايس پي آر جو چوڻ آهي ته سامونڊي فوج جي سربراهه پنهنجي آمريڪي دوري ۾ آمريڪي ڊپٽي چيف آف دي نيول اسٽاف آپريشنز ۽ ڪوسٽ گارڊ جي وائس ڪمانڊنٽ سان ڌار ڌار ملاقات ڪئي. آءِ ايس پي آر موجب، ايڊمرل نويد اشرف، آمريڪا جي نيشنل ڊفينس يونيورسٽي جو به دورو ڪيو ۽ يونيورسٽي جي صدر وائس ايڊمرل پيٽر اَي گارون سان ملاقات ڪئي. آءِ ايس پي آر جو چوڻ آهي ته ملاقاتن دوران پيشيوراڻي دلچسپي جي معاملن، علاقائي سلامتي، پيشوراڻي تربيت ۽ ميري ٽائم سهڪار بابت خيالن جي ڏي وٺ ڪئي وئي. آءِ ايس پي آر موجب، سامونڊي فوج جي سربراهه آمريڪي پرڏيهي آفيس جو به دورو ڪيو جتي سياسي ۽ فوجي معاملن جي ڊپٽي اسسٽنٽ سيڪريٽري سٽينلي ايل برائون سان ملاقات ڪئي. آءِ ايس پي آر جو چوڻ آهي ته ايڊمرل نويد اشرف، آمريڪي اسڪالرن ۽ ٿنڪ ٽينڪ جي ماهرن کي هڪ تقريب ۾ خطاب پڻ ڪيو. آءِ ايس پي آر موجب، سامونڊي فوج جي سربراهه، علاقائي ميري ٽائم سڪيورٽي چئلينجن ۽ گڏيل ميري ٽائم ڪوششن ۾ سامونڊي فوج جي سهڪار بابت روشني وڌي. آءِ ايس پي آر جو چوڻ آهي ته ايڊمرل نويد اشرف جي آمريڪي دوري سان ٻنهي ملڪن وچ ۾ ميري ٽائم سڪيورٽي ۽ دفاعي سهڪار کي هٿي ملندي…….