سجاول ۾ مبينا پوليس مقابلو، هڪ ڏوهاري زخمي حالت ۾ گرفتار

سجاول پوليس مبينا مقابلي دوران هڪ ڏوهاري کي زخمي حالت ۾ گرفتار ڪرڻ جي دعويٰ ڪئي آهي. پوليس جو چوڻ آهي ته جاتي روڊ تي ڦر جي ارادي سان بيٺل ڏوهارين سان پوليس جو مقابلو ٿي پيو. پوليس موجب، فائرنگ جي ڏي وٺ ۾ پوليس هڪ ڏوهاري کي زخمي حالت ۾ گرفتار ڪري ورتو. پوليس جو چوڻ آهي ته زخمي حالت ۾ گرفتار جوابدار جي علي ڪهيري طور سڃاڻپ ٿي آهي. پوليس موجب، گرفتار جوابدار کي علاج لاءِ اسپتال منتقل ڪيو ويو. پوليس جو چوڻ آهي ته زخمي حالت ۾ گرفتار جوابدار علي ڪهيري سنگين ڏوهه ۾ گهربل آهي، وڌيڪ جاچ ڪئي پئي وڃي.