تازه ترين

سرهاڙي ويجهو هزار ايڪسپريس جو پنج بوگيون پٽڙي تان لهي ويو، 30 مسافر فوت  100 زخمي

سرهاڙي ويجهو هزاره ايڪسپريس جون بوگيون پٽڙي تان لهڻ سبب 30 مسافر فوت ۽ 100 کان وڌيڪ ماڻهو زخمي ٿي پيا.

ريلوي اسٽيشن ويجهو ڪراچي کان حويليان ويندڙ هزاره ايڪسپريس جون 10 بوگيون پٽڙي تان لهي ويون.

حادثي جي نتيجي ۾ 30 مسافر فوت ۽ هڪ سئو کان وڌيڪ زخمي ٿي پيا.

اطلاع ملڻ بعد پوليس، رينجرز، پاڪ فوج ۽ امدادي ٽيمون واري واري هنڌ پهچي ويون جيڪي امدادي ڪمن ۾ رڌل آهن.

حادثي ۾ فوت ٿيلن جا لاش ۽ زخمين کي مختلف اسپتالن ڏانهن منتقل ڪيو پيو وڃي.

حادثي جي فوتين ۾ عورتون ۽ ٻارڙا به شامل آهن جڏهن ته مختلف اسپتالن ۾ هنگامي حالتون لاڳو ڪيون ويون آهن.

حادثي سبب اپ اينڊ ڊائون ٽريڪ بند ٿيڻ ڪري ٽرينن کي مختلف اسٽيشنن تي بيهاريون ويون آهي.

پاڪ فوج ۽ رينجرز طرفان حادثي واري هنڌ امدادي ڪارروايون جاري آهن.

آرمي چيف جنرل عاصم منير جي هدايت تي حيدرآباد ۽ سڪرنڊ مان پاڪ فوج ۽ رينجرز جا جٿا ۽ هيليڪاپٽر طلب ڪيا ويا.

پاڪ فوج جي ترجمان جو چوڻ آهي ته حادثي کانپوءِ فوتين جي لاشن ۽ زخمين کي اسپتال منتقل ڪيو ويو آهي، مسافرن کي کاڌي پيتي جون شيون به فراهم ڪيون پيون وڃن.

ريلوي واري وزير خواجه سعد رفيق ٽرين حادثي جي جاچ ڪرائڻ جو اعلان ڪندي چيو ته  امدادي ڪارروايون مڪمل ٿيڻ کانپوءِ ٽرين حادثي جي جاچ ڪرائي ويندي، حادثو دهشتگردي ۽ فني خرابي جو نتيجو ٿي سگهي ٿو.

پرڏيهي وزير بلاول ڀٽو زرداري طرفان به ٽرين حادثي جي جاچ جي هدايت ڪئي وئي آهي.

پرڏيهي وزير بلاول ڀٽو زرداري حادثي جي زخمين کي فوري طور علاج جون سهولتون ڏيڻ جي هدايت به ڪئي آهي.

سنڌ جي وڏي وزير مراد علي شاهه ۽ گورنر ڪامران ٽسوري سرهاڙي ڀرسان ٽرين حادثي جو نوٽيس وٺندي زخمين کي هر ممڪن طبي سهولتون ڏيڻ جي هدايت ڪئي وئي آهي. وڏي وزير مراد علي شاهه ۽ گورنر سنڌ ڪامران ٽسوري جو چوڻ آهي ته خوفناڪ حادثي ۾ انساني جانيون ضايع ٿيڻ تي کين تمام گهڻو افسوس ٿيو آهي.

لاڳاپيل خبرون

1,523,504FansLike
46,929FollowersFollow
209FollowersFollow
12,215FollowersFollow
108,000SubscribersSubscribe
Pakistan
scattered clouds
19 ° C
19 °
19 °
31 %
1.2kmh
36 %
اڱارو
18 °
اربع
25 °
خميس
26 °
جمعو
24 °
ڇنڇر
22 °

تازه ترين خبرون