سنڌ اسيمبليءَ جي 36 اسٽينڊنگ ڪميٽين مان پنجن جا چيئرمين چونڊجڻ بعد وڌيڪ 26 چيئرمينن جي چونڊجڻ  جو نوٽيفڪيشن جاري

سنڌ اسيمبليءَ جي 36 اسٽينڊنگ ڪميٽين مان پنجن جا چيئرمين چونڊجڻ بعد وڌيڪ 26 چيئرمينن جي چونڊجڻ  جو نوٽيفڪيشن جاري ڪيو ويو، جڏهن ته رھجي ويل  پنج اسٽيڊنگ ڪميٽيءَ جي چونڊ ايندڙ جمعي ٿيڻ جو امڪان آهي. اسٽيڊنگ ڪميٽين جي چيئرمين شپ حاصل ڪندڙ حڪومتي ڌر جي حصي ۾ 23 ايم ڪيو ايم جي حصي ۾ 6 ۽  پي ٽي آءِ جي حصي ۾ 2 آيون. نوٽيفڪيشن موجب ورڪس اينڊ سروسز کاتي جي اسٽينڊنگ ڪاميٽي جو چيئرمين امتياز شيخ ۽ صنعتن واري کاتي لاءِ اسٽينڊنگ ڪميٽي جو چيئرمين عبدالرزاق راجا هوندو. نوٽيفڪيشن موجب اسپيشل ايجوڪيشن لاءِ تنزيلا اُمِ حبيبه، معدنيات کاتي جو سيد صالح شاهه، تعليم کاتي بابت اسٽينڊنگ ڪميٽي جو چيئرمين ڄام شبير علي خان چونڊجي ويا آهن. محمد عامر صديقي تقافت ۽ سياحت، سڪندر شورو، هائير ٽيڪنيڪل ايجوڪيشن، نجم مرزا ايڪسائيز اينڊ ٽيڪسيشن کاتي بابت اسٽينڊنگ ڪميٽي جو چيئرمين چونڊجي ويو. عورتن جي ترقي ۽ ڀلائي واري کاتي لاءِ فراز سهيل، اقليتي معاملن جي ڪاميٽي لاءِ ڊاڪٽر کٽو مل، نوجوانن جي معاملي واري کاتي لاءِ اسٽينڊنگ ڪاميٽي جو چيئرمين دانيال هوندو. پنج اسٽيڊنگ ڪاميٽين جون اڳ چونڊون ٿي چڪيون آهن، باقي پنج ڪميٽين جي چونڊ ايندڙ جمعي تي  ٿيڻ امڪان آھي.