سنڌ جي مختلف شهرن ۾اغوا ٿيل  پوليو آفيسر نعيم ٻپڙ جي بازيابي لاءِ احتجاجي مظاهرو

سنڌ جي مختلف شهرن ۾اغوا ٿيل  پوليو آفيسر نعيم ٻپڙ جي بازيابي لاءِ احتجاجي مظاهرو ڪيا ويا. ميان صاحب ۾ پوليو آفيسر نعيم ٻپڙ جي بازيابي لاءِ صحت کاتي جي ملازمن پاران سيد محمد علي شاهه، ديدار شيخ، زاهده سومرو ۽ ٻين جي اڳواڻي ۾ احتجاجي مظاهرو ڪيو ويو. خانپور ۾ مغوي نعيم ٻپڙ جي بازيابي لاءِ پوليو ورڪرز پاران فضل الله سهندڙو، عبدالباسط جتوئي، بشير ۽ ٻين جي اڳواڻي ۾ احتجاجي مظاهرو ڪيو ويو. احتجاج ڪندڙن جو چوڻ آهي ته چار ڏينهن گذرڻ باوجود پوليس پوليو آفيسر نعيم ٻپڙ کي بازياب ناهي ڪرائي سگهي. هنن اعليٰ اختيارين کان مطالبو ڪيو ته معاملي جو نوٽيس وٺي پوليو آفيسر نيعم ٻپڙ کي بازياب ڪرائي سندس وارثن ۾ ڇائنيل بيچيني ختم ڪئي وڃي.