- Advertisement -
سنڌ جي مختلف شهرن ۾ روڊ حادثن جي نتيجي ۾ هڪ ٻارڙي سميت 2 ڄڻا فوت ۽ ٽن عورتن سميت 4 زخمي ٿي پيا آهن.
ڪراچي ۾ روڊ حادثي جي نتيجي ۾ هڪ ٻارڙو فوت ٿي ويو جڏهن ته هڪ ٻارڙو ۽ هڪ عورت زخمي ٿي پيا.
ڪورنگي واري علائقي سنگر چورنگي ويجهو ٽينڪر واٽهڙو خاندان مٿان چڙهي ويو.
حادثي جي نتيجي ۾ هڪ ٻارڙو فوت عي ويو جڏهن ته هڪ ٻارڙو ۽ هڪ عورت زخمي ٿي پيا.
اطلاع ملڻ بعد پوليس ۽ امدادي ٽيمن واري واقعي هنڌ پهچي فوتي جو لاش ۽ زخمين کي اسپتال پهچايو.
نوشهرو فيروز ۾ روڊ حادثي جي نتيجي ۾ نوجوان فوت ۽ 2 عورتون زخمي ٿي پيون آهن.
قومي شاهراهه تي ڊاٽسن ۽ موٽرسائيڪل ۾ ٽڪر ٿي پيو.
حادثي جي نتيجي ۾ رضا محمد لغاري فوت ٿي ويو جڏهن ته 2 عورتون زخمي ٿي پيون.
اطلاع ملڻ بعد پوليس واقعي واري هنڌ پهچي لاش ۽ زخمين کي اسپتال پهچايو جتان ضروري ڪارروائي بعد مڙهه وارثن حوالي ڪيو ويو.
نوجوان رضا محمد لغاري جو مڙهه گهر پهچڻ تي ڪهرام مچي ويو.- Advertisement -
