فيض گنج ۾ پيٽروليم شين جي اگهن ۾ ڳاٽي ٽوڙ واڌ خلاف جسقم، سول سوسائٽي ۽ شهرين پران الطاف سنڌي، غني شر ۽ ٻين جي اڳواڻي ۾ مک چوڪ تي احتجاجي مظاهرو ڪري ڌرڻو هنيو.
اڳواڻن جو چوڻ هو ته وفاقي حڪومت پاران تيل جي اگهه ۾ هڪ ڌڪ ۾ 26 رپيا واڌ عوام جون دانهون ڪڍي ڇڏيو آهن.
مظاهرين چيو ته پيٽروليم شين ۽ بجلي جي قيمت ۾ واڌ سبب عام واهپي جون شيون غريبن جي پهچ کان ٻاهر ٿي ويون آهن.
اڳواڻن چيو ته ڳاٽي ٽوڙ مهانگائي سبب ماڻهو آپگهات ڪري رهيا آهن، پر حڪومت جي ڪنن تي جوءِ به نٿي چري.
هنن مطالبو ڪيو ته پيٽروليم شين جي اگهن گهٽتائي ڪري مهانگائي تي ضابطو آڻي، عوام کي جيئڻ جو حق ڏنو وڃي………..
