- Advertisement -
سنڌ جي مختلف شهرن ۾ ڌارڌار روڊ حادثن ۾ 5 فوت ۽ 15 ڄڻا زخمي ٿي پيا آهن.
سوراهه ٿاڻي جي حد ۾ چونڊڪو ڪوٽڏيجي روڊ ٽرڪ جو موٽرسائيڪل کي ٽڪر لڳڻ سبب ٻه ڄڻا فوت ٿي ويا.
ٻنهي ڄڻن جا لاش اسپتال منتقل ڪيا ويا، جتي سڃاڻپ سڳيون واسي سماجي اڳواڻ فقير علي حسن ڀٽي ۽ فقير باغ علي سومرو جي نالن سان ڪئي وئي
پيروسڻ ۾ ٽرڪ ۽ مزدا ۾ ٽڪر جي نتيجي ۾ نور محمد سولنگي فوت ۽ 5 ڄڻا زخمي ٿي پيا.
خانپور شھر جي عيد گاهه روڊ تي گڏهه گاڏي ۽ موٽر سائيڪل ۾ ٽڪر ٿي پيو، نتيجي ۾ نوجوان سعيد پنھور فوت ۽ 2 ٻارڙا زخمي ٿي پيا.
شڪارپور ۾ شڪارپور-جيڪب آباد باءِ پاس تي تيز رفتار ٽرڪ پيرسن امان الله عيساڻي کي چيڀاٽي ڇڏيو، لاش گهر پهچڻ تي ڪهرام مچي ويو.
مانجهند ۾ ڪار ۽ رڪشا ۾ ٽڪر ٿيڻ جي نتيجي ۾ عورتن سميت 8 ڄڻا زخمي ٿي پيا جن کي اسپتال منتقل ڪيو ويو.- Advertisement -
