سنڌ جي ناڻي کاتي آڪٽراءِ ضلع ٽيڪس شيئر مد ۾ مڪاني حڪومتن لاءِ 4 ارب رپين کان وڌيڪ فنڊ جاري ڪري ڇڏيا

سنڌ جي ناڻي کاتي آڪٽراءِ ضلع ٽيڪس شيئر مد ۾ مڪاني حڪومتن لاءِ 4 ارب رپين کان وڌيڪ فنڊ جاري ڪري ڇڏيا. سنڌ سالڊ ويسٽ مئنيجمنٽ جا ملازم به ڇھن ٽائونن ۾ ضم ڪيا ويا، ملازمن کي هاڻي پگهارون به ٽائون ادا ڪندا. ڇھن ٽائونن ۾ جناح، چنيسر، گلشن اقبال، صفوران، لياري ۽ صدرٽائون شامل آهن. فنڊن مان 9 ڪروڙ 93 لک رپيا بجلي بلن جي بقايا مد ۾ به ڪٽوتي ڪئي وئي 45 ٽائون ۽ تعلقي ميونسپل ڪميٽين کي 3 ارب 9 ڪروڙ 75 لک رپين جا فنڊ به جاري ڪيا ويا آهن. يونين ڪميٽين ۽ يونين ڪائونسلن کي هڪ ارب 10 ڪروڙ 84 لک رپيا به جاري ڪيا ويا مڪاني ڪائونسلن جي فنڊن مان به 11 لک 62 هزار رپيا بجلي بلن جي مد ۾ بقايا ڪٽوتي ڪئي وئي. مجموعي طور هڪ هزار 109 يونين ڪميٽين ۽ يونين ڪائونسلن، ڪراچي جي ست، بدين، حيدرآباد، گھوٽڪي ۽ دادو سميت ٻين ضلعن کي رقم جاري ڪئي وئي.