سنڌ جي گهڻ گهرن ارسا ايڪٽ ۾ امڪاني ترميم کي سنڌ سان دشمني قرار ڏيندي وفاق کان ارسا ايڪٽ ۾ امڪاني ترميم جو فيصلو واپس وٺڻ جو مطالبو ڪيو آهي.
سنڌ ٽي وي نيوز جي پروگرام هاٽ اشو ۾ ڳالهائيندي ناليواري تجزئي نگار مير مظهر ٽالپر چيو ته ارسا ايڪٽ ۾ ترميم سنڌي قوم سان دشمني آهي.
هن چيو ته ارسا ايڪٽ ۾ ترميم ڪرڻ جو مقصد اهو آهي ته سنڌو درياهه مان ڪئنال ٺاهي وڃن، سنڌوءَ ۾ اڳ ئي پاڻي موجود ناهي، جيڪڏهن ڪئنال ٺاهيا ويا ته سنڌ جا ماڻهو پاڻي ڦــُـڙيَ لاءِ سِڪندا.
مير مظهر ٽالپر چيو ته سنڌ واسين ۽ قومپرست پارٽين کي ارسا ايڪٽ ۾ امڪاني ترميم خلاف سخت مزاحمت ڪرڻ گهرجي.
پروگرام دوران ڳالهائيندي پروفيسر انعام ڀٽي چيو ته وفاق سنڌ ۾ به بلوچستان جهڙي صورتحال پيدا ڪرڻ چاهي ٿو، ارسا ايڪٽ ۾ ترميم جو مقصد سنڌو درياهه تي قبضو ڪرڻ آهي.
هن چيو ته سنڌي قوم جيئن ڪالا باغ ڊيم کي رد ڪيو ائين ئي ارسا ايڪٽ ۾ امڪاني ترميم کي به رد ڪندي.
پروفيسر انعام ڀٽي چيو ته سڃان ڌرين سميت سنڌ جي هر فرد کي گهرجي ته ارسا ايڪٽ ۾ ترميم خلاف ٻاهري سخت رد عمل ڏين جيئن وفاق اهڙو فيصلو واپس وٺي.
