- Advertisement -
الخدمت فائونڊيشن هيلٿ سروسز طرفان 7 سيپٽمبر تي لاهور جي ايڪسپو سينٽر ۾ ميگا ايونٽ ڪرائڻ جو فيصلو ڪيو ويو آهي.
الخدم فائونڊيشن جي عهديدار ڊاڪٽر زاهد لطيف لاهور ۾ پريس ڪانفرنس ڪندي چيو ته ست سيپٽمبر تي ايڪسپو سينٽر لاهور ۾ ميگا ايونٽ ٿيندو.
هن چيو ته هيلٿ جي شعبي ۾ پيش ايندڙ چئلينجن، ميڊيڪل ۾ پوزيشن هولڊر شاگردن کي ڀيٽا پيش ڪرڻ ميڊيڪون 2024ع جي مقصدن ۾ شامل آهي.
سندس چوڻ هو ته حافظ نعيم الرحمان، ڊاڪٽر حفيظ الرحمان، وائس چانسلر ۽ فيڪلٽي ميمبر ايونٽ ۾ شرڪت ڪندا.
ڊاڪٽر زاهد لطيف چيو ته ميڊيڪون 2024ع ۾ سموري پنجاب مان مختلف يونيورسٽين ۽ ڪاليجن جا هڪ هزار شاگرد ۽ شاگردياڻيون شرڪت ڪنديون.
هن چيو ته پوزيشن هولڊرز ۽ نمايان ڪارڪردگي رکندڙ شاگردن ۽ شاگردياڻين کي ميڊلز، انعام ۽ تعريفي سرٽيفڪيٽ ڏنا ويندا.
ڊاڪٽر زاهد لطيف چيو ته غزا ۾ هلندڙ انساني بحران تي اهم سيشن ايونٽ جو حصو هوندو جنهن ۾ الخدمت ۽ پيما جي غزا ۾ ڪردار تي بريفنگ ڏني ويندي.- Advertisement -
