سنڌ حڪومت ٽرانسپورٽ کاتي ۽ ڪمرشل گاڏين جي ڊجيٽلائيزيشن توڙي آٽوميشن جو فيصلو ڪيو آهي.
سينيئر صوبائي وزير شرجيل انعام ميمڻ جي صدارت هيٺ ٽرانسپورٽ بابت اجلاس ٿيو، جنهن ۾ لاڳاپيل عملدارن شرڪت ڪئي.
اجلاس کي ٻڌايو ويو ته ٽرانسپورٽ کاتي ۽ ذيلي ادارن ايس ايم ٽي ايَ، پي ٽي ايَ، آر ٽي ايَ ۽ ٽرانس ڪراچي جي به ڊجيٽلائيزيشن جو ڪم شروع ڪيو ويو آهي.
شرجيل ميمڻ چيو ته ٽرانسپورٽ کاتي جي سافٽ ويئر سان پي ٽي ايز کي پاڻ ۾ ڳنڍيو پيو وڃي، بين الصوبائي روٽ پرمٽس جو به پتو لڳائي سگهبو.
هن چيو ته روٽ پرمٽس جاري ڪرڻ ۽ رينيوئل جو نظام آن لائن ڪيو پيو وڃي، ڊجيٽلائيزيشن سان ٽرانسپورٽر آن لائن روٽ پرمٽس اپلاءِ ۽ رينيوئل ڪرائي سگهندا.
شرجيل ميمڻ چيو ته روٽ پرمٽس، فٽنس سرٽيفڪيٽ، باڊي ميڪرز جي پرمٽ جاري ڪرڻ کي آسان بڻائڻ لاءِ آن لائن ڪيو پيو وڃي، عوامي شڪايتي مرڪز به قائم ڪيو ويندو، سيڪريٽريٽ ۾ سموري ڄاڻ گڏ ڪئي ويندي.
سينيئر صوبائي وزير آٽوميشن نظام تي هر پندرهن ڏينهن ۾ اڳڀرائي رپورٽ ڏيڻ جي هدايت ڪئي.
سندس چوڻ هو ته ٽرانسپورٽ نظام آن لائن ڪرڻ سان روينيو ۾ اضافو ٿيندو، جديد ٽيڪنالاجي جي استعمال سان نظام ۾ شفافيت ايندي، پهرين مرحلي ۾ گاڏين جي فٽنس سرٽيفڪيٽن جي نظام کي آن لائن ڪيو پيو وڃي
