سنڌ سرڪار پاران صوبي جي 30 ضلعن ۾ پاڪ –ڀارت ميچ اسڪرينن تي ڏيکارڻ جو فيصلو

سنڌ حڪومت 23 فيبروري تي راڄڌاني ڪراچي سميت صوبي جي سمورن ضلعن ۾ عوامي هنڌن تي پاڪ-ڀارت ميچ سڌي ريت ڏيکارڻ جو فيصلو ڪيو آهي.

صوبائي وزير محمد بخش مهر جو چوڻ آهي ته سنڌ جي راندين واري وزارت ڪراچي، حيدرآباد، سکر، لاڙڪاڻو ۽ گھوٽڪي سميت 30 ضلعن ۾ پاڪستان ۽ ڀارت وچ ۾ ميچ سڌي ريت اسڪرينن تي ڏيکارڻ جو بندوبست ڪيو آهي.

سندس چوڻ هو ته ڪراچي ۾ سمنڊ ڪناري ۽ سنڌ يوٿ ڪلب گلستان جوهر ۾ وڏي اسڪرين تي عوام کي ميچ ڏيکاري ويندي.

سنڌ جي راندين واري وزير چيو ته حيدرآباد جي نياز اسٽيڊيم، خيرپور جي ممتاز ڪرڪيٽ گرائونڊ ۽ ٽنڊي محمد خان ۾ پڻ ميچ اسڪرين تي لائيو ڏيکارڻ جو انتظام ڪيو ويندو.

سردار محمد بخش مھر خانڳڙهه ۾ پنهنجي تڪ جي ماڻهن سان گڏ ميچ ڏسندو.