سنڌ سميت سڄي ملڪ ۾ پوليس جي شهيدن جو ڏهاڙو ملهايو پيو وڃي.
آءِ جي سنڌ غلام نبي ميمڻ جو چوڻ آهي ته سنڌ پوليس جي آفيسرن ۽ جوانن جي قربانين کي وساري نٿو سگهجي.
سندس چوڻ هو ته شهيدن جي وارثن لاءِ پوليس کاتو سندن وارث ۽ ڪفيل آهي.
پوليس جي شهيدن جي ڏهاڙي تي ڊي آءِ جي شھيد بينظيرآباد محمد يونس چانڊيو ۽ ايس پي شھيد بينظير آباد مھزور علي غوري درگاھ بالو جا قبا پھچي شھيد سپاھي قربان علي زرداري جي قبر تي گلن جي چادر چاڙھي دعا گھري.
ڊي آءِ جي ۽ ايس پي، شھيد پوليس اھلڪار جي گھر پڻ ويا ۽ سندس گھر ڀاتين کان خيريت معلوم ڪئي.
سنڌ پوليس جي شهيدن کي ڀيٽا پيش ڪرڻ لاءِ سانگهڙ ۾ هر سال جيان هن سال به پوليس جي شهيدن جو ڏهاڙو عقيدت ۽ احترام سان ملهايو ويو.
ايس ايس پي سانگهڙ عابد علي شھيدن جي يادگار تي گلن جا چادر چاڙهي دعا گهري.
ان موقعي تي ايس ايس پي سانگهڙ عابد علي بلوچ چيو ته هو پوليس جي شھيدن کي سلام پيش ڪن ٿا.
