سنڌ هائيڪورٽ سنڌ سرڪار کي 140 کان وڌيڪ کاتن ۾ ڀرتين کان روڪيندي خالي جاين تي ڀرتي لاءِ مختلف اخبارن ۾ شايع ٿيل اشتهار معطل ڪندي سنڌ حڪومت ۽ ٻين ڌرين کان 30 آگسٽ تائين جواب طلب ڪري ورتو.
سنڌ هاءِ ڪورٽ ۾ سنڌ سرڪار کي 140 کان وڌيڪ کاتن ۾ ڀرتين واري معاملي بابت ايم ڪيو ايم جي ڪنوينر خالد مقبول صديقي جي درخواست جي ٻڌڻي ٿي.
ٻڌڻي دوران ايم ڪيو ايم طرفان بئريسٽر ڊاڪٽر فروغ نسيم عدالت ۾ پيش ٿيو.
درخواست ڏيندڙ موقف اختيار ڪيو ته سنڌ سرڪار جو مدو 11 آگسٽ 2023ع تي ختم ٿي رهيو آهي جڏهن ته سنڌ حڪومت مختلف کاتن ۾ غيرقانوني ڀرتيون شروع ڪري ڇڏيون آهن.
عدالت چيو ته سنڌ حڪومت جي سمورن کاتن ۽ انهن جي ذيلي کاتن ۾ سمورا ڊپٽي ڪمشنر گريڊ هڪ کان 15 تائين مقرريون نٿا ڪري سگهن.
عدالت سنڌ سرڪار کي 140 کان وڌيڪ کاتن ۾ ڀرتين کان روڪيندي خالي جاين تي ڀرتي لاءِ مختلف اخبارن ۾ شايع ٿيل اشتهار معطل ڪندي سنڌ حڪومت ۽ ٻين ڌرين کان 30 آگسٽ تائين جواب طلب ڪري ورتو.
