سنڌ هاءِ ڪورٽ آءِ بي اي ڪيمپس ميرپورخاص جو پروجيڪٽ ٽن مهينن اندر مڪمل ڪرڻ جو حڪم

سنڌ هاءِ ڪورٽ آءِ بي اي ڪيمپس ميرپورخاص جو پروجيڪٽ ٽن مهينن اندر مڪمل ڪرڻ جو حڪم ڏئي ڇڏيو آهي. شاگردن ۽ والدين جي درخواست تي سنڌ هاءِ ڪورٽ ميرپورخاص سرڪٽ بئنچ تفصيلي فيصلو جاري ڪيو. جاري ٿيل تفصيلي فيصلي ۾ ڄاڻايو ويو آهي ته تعليم رياست جو اهم جُز آهي، هائيرايجوڪيشن ڪميشن رڪاوٽون ختم ڪري عدالت هيڪ کي آءِ بي اي ڪيمپس ميرپورخاص جون سموريون گهرجون پوريون ڪري ٽن مهينن اندر پروجيڪٽ مڪمل ڪرڻ جو حڪم ڏنو آهي. هيڪ 5 جنوري 2024ع تي ٿيل گڏجاڻي ۾ آءِ بي اي ميرپورخاص جا فنڊ بند ڪري ڇڏيا هئا. هيڪ پاران فنڊ ڪرڻ کانپوءِ آءِ بي اي يونيورسٽي سکر جي انتظاميا پرائيويٽ عمارت ۾ هلندڙ ميرپورخاص ڪيمپس بند ڪرڻ جو اشارو ڏنو هو. والدين جي درخواست تي سنڌ هاءِ ڪورٽ ميرپورخاص 24 مئي تي هيڪ پاران فنڊ بند ڪرڻ واري فيصلي کي معطل ڪري ٽن مهينن اندر ڪيمپس جو پروجيڪٽ مڪمل ڪرڻ جو حڪم ڏنو آهي.