يويو هني سنگهه نئو البم، پاڪستاني فنڪار به شامل

يويو هني سنگهه پنهنجي ايندڙ نئين البم گلوري ۾ پاڪستاني فنڪار وهاب بگٽي ۽ صاحبان کي به شامل ڪيو آهي. ڀارتي فنڪار يو يو هني سنگهه پنهنجي ايندڙ عالمي البم گلوري جو اعلان ڪندي ڪوڪ اسٽوڊيو ذريعي مشهوري ماڻيندڙ وهاب بگٽي ۽ صاحبان کي شامل ڪرڻ جي تصديق ڪئي آهي. ڀارتي ميڊيا موجب هني سنگهه پنهنجي ايندڙ البم لاءِ تيار آهي، جنهن ۾ پاڪستان سميت دنيا جا فنڪار به شامل آهن. ڪوڪ اسٽوڊيو ذريعي مشهوري ماڻيندڙ پاڪستاني فنڪار وهاب بگٽي، صاحبان، اطالوي فنڪار لائونگ ۽ آمريڪي ريپر هينڊلز سان گڏ بيبا ۽ ريپ گاني لاءِ ٽيم ٺاهي آهي. يويو هني سنگهه انسٽاگرام تي پوسٽ ڪيل 18 گانن جي لسٽ جي تصديق ڪندي البم کي ميوزيڪل ڌماڪو قرار ڏنو، البم 26 آگسٽ تي رليز ٿيندو، ڀارتي فنڪار هڪ بيان ۾ البم جي باري ۾ چيو ته هي البم سرحدون پار ڪري نوان لاڙا قائم ڪرڻ جي باري ۾ آهي.