سنڌ هاءِ ڪورٽ سرڪٽ بئنچ حيدرآباد ڪارونجهر جبل جي ڪٽائي روڪڻ جو حڪم جاري ڪندي اسٽي آرڊر جاري ڪري ڇڏيو آهي.
سنڌ هاءِ ڪورٽ ۾ ڪارونجهر جي ڪٽائي خلاف وڪيل شنڪر ميگهواڙ جي درخواست تي جسٽس خادم حسين تنيو ۽ جسٽس ابرار علي هڪڙو تي ٻڌل ٻه رڪني بئنچ ٻڌڻي ڪئي.
وڪيل دليل ڏيندي چيو ته ڪارونجهر سنڌ جو ثقافتي ورثو آهي، جنهن کي ورلڊ هيريٽيج ڊڪليئر ڪيو وڃِي.
عدالت ، درخوستگذار جا دليل ٻڌڻ بعد ڪارونجهر تي ڪنهن به قسم جي ڪٽائي ۽ ليز تي پابندي هڻندي اسٽي آرڊر جاري ڪري ڇڏيو.
عدالت جاري ڪيل نوٽيفڪيشن ۾ چيو آهي ته ايندڙ ٻڌڻي تائين ڪارونجهر جبل تي ڪنهن به قسم جي ڪٽائي نه ڪئي وڃي.
