سنڌ هائيڪورٽ سرڪٽ بئنچ سکر، ميرپور ماٿيلي جي صحافي نصرالله گڏاڻي قتل ڪيس ۾ پ پ ايم اين اي خالد لنڊ ۽ سندس ٻن پٽن جي ضمانت ۾ 27 نومبر تائين واڌ ڪري ڇڏي.
سنڌ هائيڪورٽ سرڪٽ بئنچ سکر ۾ ميرپور ماٿيلي جي صحافي نصر الله گڏاڻي قتل ڪيس جي ٻڌڻي ٿي.
جسٽس محمد سليم ۽ جسٽس ذوالفقار علي سانگي تي ٻڌل 2 رڪني بينچ ٻڌڻي ڪئي.
ٻڌڻي دوران پ پ ايم اين اي سردار خالد لنڊ، سندس پٽ شهباز لنڊ ۽ نور محمد لنڊ عدالت ۾ پيش ٿيا.
فريادي محمد يعقوب گڏاڻي به عدالت ۾ پيش ٿيو.
عدالت فريادي ڌر جو وڪيل صلاح الدين پنهور موجود نه هئڻ سبب جوابدارن جي عبوري ضمانت ۾ 27 نومبر تائين واڌ ڪري ڇڏي.
وڪيل مجيب ملاڻي جو چوڻ آهي ته ايندڙ ٻڌڻي تائين جوابدارن جي ضمانت ۾ واڌ برقرار رهندي
