- Advertisement -
سنڌ هائيڪورٽ هاڪس بي ۾ ڊي ايڇ اي کي 6 هزار ايڪڙ زمين الاٽ ڪرڻ جي منصوبي تي منع نامو ۽ نوٽيس جاري ڪري ڇڏيا، سنڌ يونائيٽيڊ پارٽي طرفان فيصلي جي آجيان ڪئي وئي، زين شاهه جو چوڻ آهي ته سنڌ هائيڪورٽ منع نامو جاري ڪري متاثرن کي حوصلو ڏنو آهي، عدالتي حڪم سان ماڻهو بي گهر ٿيڻ کان بچي ويا آهن.
سنڌ هائيڪورٽ ۾ هاڪس بي ۾ ڊي ايڇ اي کي 6 هزار ايڪڙ زمين ڏيڻ خلاف سنڌ يونائيٽيڊ پارٽي طرفان داخل درخواست جي ٻڌڻي ٿي.
جسٽس صلاح الدين پنهور ۽ جسٽس امجد سهتو تي ٻڌل 2 رڪني بينچ ٻڌڻي ڪئي.
ٻڌڻي دوران عدالت درخواست ڏيندڙن کان پڇاڻو ڪيو ته اوهان وٽ زمين جي مالڪي بابت ڪهڙا حق آهن، درخواست ڏيندڙ جي وڪيل عاقب راڄپر موقف اختيار ڪيو ته هو علائقي جا رهواسي آهن، کين بي گهر ڪيو پيو وڃي، الاٽمينٽ جي صورت ۾ سندن زمينون کسيون وينديون.
عدالت چيو ته جيڪڏهن ڪنهن به زمين جا دستاويز اوهان وٽ آهن ته درخواست سان ڳنڍيو، وڪيل موقف اختيار ڪيو ته ڪاغذ جواب ۾ پيش ڪيا آهن.
هاڪس بي ۾ ڊي ايڇ اي کي 6 هزار ايڪڙ زمين الاٽ ڪرڻ جي منصوبي تي منع نامو جاري ڪندي ايندڙ ٻڌڻي تي سنڌ سرڪار ۽ لاڳاپيل ڌرين کي نوٽيس جاري ڪري جواب طلب ڪري ورتو.
سنڌ يونائيٽيڊ پارٽي طرفان فيصلي جي آجيان ڪئي وئي.
زين شاهه جو چوڻ آهي ته سنڌ هائيڪورٽ منع نامو جاري ڪري متاثرن کي حوصلو ڏنو آهي، عدالتي حڪم سان ماڻهو بي گهر ٿيڻ کان بچي ويا آهن.
زين شاهه چيو ته حڪومت ماڻهن کان ڇت کسي ڊي ايڇ اي کي زمين ڏيڻ جو منصوبو جوڙي رهي هئي، اميد آهي ته عدالت متاثرن کي تحفظ فراهم ڪندي- Advertisement -
