وفاقي سرڪار گلگت بلتستان ۾ فوج مقرر ڪرڻ جي ترديد ڪري ڇڏي، سڌ سماءَ واري نگران وفاقي وزير چيو آهي ته سوشل ميڊيا تي گلگت بلتستان ۾ فوج مقرر ڪرڻ جا افواهه بي بنياد آهن، علائقي ۾ روڊ، واپاري مرڪز ۽ تعليمي ادارا موڪليل طور کليل آهن.
هڪ بيان ۾ مرتضيٰ سولنگي چيو ته گلگت بلتستان ۾ پاڪ فوج جي مقرري بابت افواهه بي بنياد آهن.
هن چيو ته پاڪ فوج جون خدمتون امام حسين جي چاليهي جي سلسلي ۾ طلب ڪيون ويون آهن.
سندس چوڻ هو ته گلگت بلتستان ۾ سمورا روڊ، واپاري مرڪز، تعليمي ادارا معمول موجب کليل آهن.
مرتضيٰ سولنگي چيو ته رڳو چاليهي جي سڪيورٽي ۽ صورتحال کي نظر ۾ رکندي گهرو وزارت گلگت بلتستان ۾ قلم 144 لاڳو ڪيو آهي.
