نصيرآباد جي عدالت پاڻي ڪيس جي ٻڌڻي دوران لاڳيتو ڪوتاهيون ڪرڻ ۽ ڪورٽ ۾ پيش نه ٿيڻ تي آبپاشي کاتي جي ملازم کي 2 ڪلاڪ هٿڪڙيون هڻائي ڪسٽڊي ڪري ڇڏيو.
سول جج جي عدالت ۾ نصير آباد ۽ وارهه تعلقن جي شاخن ۾ پاڻي کوٽ خلاف ٻڌڻي ٿي.
انجنيئر رائيس ڪينال فهيم سومرو ۽ ٻين جي وڪيلن پاران 30-30 هزار رپين جا ضمانتي مچلڪا عدالت ۾ جمع ڪرايا ويا.
وڪيل چيو ته 16 آگسٽ تائين نصير آباد ۽ وارهه تعلقن جي سمورين شاخن ۾ پاڻي پهچائي رپورٽ عدالت ۾ جمع ڪرائي ويندي. عدالت 16 آگسٽ تائين ڪيس جي ٻڌڻي ملتوي ڪندي پاڻي نه پهچڻ جي صورت ۾ آبپاشي عملدارن مٿان ڪيس داخل ڪرڻ جو حڪم ڏئي ڇڏيو.
