سوڀيديري ۾ ٽائون ڪميٽي جي رٽائرڊ ملازمن چئن مهينن کان پينشن نه ملڻ خلاف 14هين ڏينهن به احتجاج ڪيو.
رٽائرڊ ملازمن ممتاز خاصخيلي، مير بنده علي ٽالپر، مختيار لاڙڪ ۽ ڪريمان خاتون پريس ڪلب آڏو احتجاج ڪيو.
احتجاج ڪندڙ رٽائرڊ ملازمن چيو ته چئن مهينن کان پينشن نه ملڻ سبب هو بکون ڪاٽڻ تي مجبور آهن.
هنن چيو ته ائڊمنسٽريٽر ملازمن کي پگهارون ڏيڻ بدران ڪرپشن ڪري رهيو آهي، هو 14ڏينهن کان احتجاج ڪري رهيا آهن پر ڪو به نوٽيس وٺڻ لاءِ تيار نه آهي. احتجاج ڪندڙ رٽائرڊ ملازمن مطالبو ڪيو ته فوري طور کين پينشن ڏئي بکون ڪاٽڻ کان بچايو وڃي، ٻي صورت ۾ احتجاج جو دائرو وڌايو ويندو .
