- Advertisement -
سينيئر صوبائي وزير شرجيل انعام ميمڻ ۽ ناصر شاهه ڊبل ڊيڪر بسن جو افتتاح ڪري ڇڏيو.
سينيئر صوبائي وزير شرجيل انعام ميمڻ جو چوڻ هو ته ڊسمبر 2025ع تائين ڊبل ڊيڪر بسون آڻڻ جو واعدو ڪيو هو.
سندس چوڻ هو ته بسن جي شروعات کان ڪئي آهي، اڄ ابتدائي ۽ تجرباتي شروعاتي آهي، سڀاڻي کان بسون روڊن تي هونديون.
شرجيل انعام ميمڻ جو چوڻ آهي ته ڪوشش آهي ته 2026ع ۾ ڪراچي جي هر روڊ تي ڊبل ڊيڪر بسون هلايون وڃن.
هن چيو ته اي وي بسن جا نوان روٽ به ايندڙ هفتي کان شروع ڪري رهيا آهيون، ٽرانسپورٽ ماڻهن جي ضرورت آهي.
سينيئر صوبائي وزير جو چوڻ هو ته قيادت جي هدايت آهي ته ماڻهن جي سهولت ۾ بهتري آڻيون.
شرجيل انعام ميمڻ جو چوڻ هو ته پيپلز بس سروس ذريعي سوا لک ماڻهو روز سفر ڪري رهيا آهن.
سندس چوڻ هو ته سهولت وڌائي رهيا آهيون، سنڌ جي هر روڊ تي بسون آڻڻ ۾ مصروف آهيون.
هن جو چوڻ هو ته ڪراچي لاءِ وڏا منصوبا جوڙي رهيا آهن، 9 ارب رپيا صنعتي علائقن لاءِ رکيا ويا آهن، نوان وڏا منصوبا به آڻي رهيا آهن.
سينيئر صوبائي وزير شرجيل انعام ميمڻ جو چوڻ هو ته شاهراهه ڀٽو وڏو منصوبو ۽ لنڪ روڊ تي به ڪم ڪيو پيو وڃي، سموري صوبي ۾ روڊن جو ڄار وڇائي رهيا آهيون.- Advertisement -
