سينيٽ جي گهرو معاملن بابت اسٽينڊنگ ڪميٽي پيڪا ايڪٽ ۾ ترميم جي منظوري ڏئي ڇڏي

سينيٽ جي گهرو معاملن بابت اسٽينڊنگ ڪميٽي پيڪا ايڪٽ ۾ ترميم جي منظوري ڏئي ڇڏي. سينيٽر فيصل سليم رحمان جي صدارت هيٺ سينيٽ جي گهرو معاملن بابت اسٽينڊنگ ڪميٽي جو اجلاس ٿيو. اجلاس ۾ پيڪا ترميمي بل تي بحث دوران صحافتي تنظيمن پاران بل جي مخالفت ڪئي وئي. چيئرمين ڪميٽي صحافتي تنظيمن طرفان پنهنجون سفارشون لکت ۾ پيش نه ڪرڻ تي سوال اٿاري ڇڏيا ۽ چيو ته صحافتي تنظيمن کي گهرجي ها ته پنهنجون سفارشون لکت ۾ ڪميٽي آڏو رکن ها. سينيٽر عرفان صديقي چيو ته هن ملڪ ۾ ڪنهن کي هٿڪڙيون لڳائڻ لاءِ ضروري ناهي ته ڪنهن قانون جي ضرورت هجي، کيس ڪرائيداري قانون تحت گرفتار ڪيو ويو هو. جي يو آءِ جي سينيٽر ڪامران مرتضيٰ طرفان پيڪا بل جي مخالفت ڪئي وئي. ڪامران مرتضيٰ چيو ته پيڪا ترميمي  بل اوترو جلدي ۾ ڇو منظور ڪيو پيو وڃي، گهٽ وقت ۾ ته قانون پڙهي ئي نٿو سگهجي، صلاح مشورو ڪهڙو ٿيندو؟. سينيٽ جي گهرو معاملن بابت اسٽينڊنگ ڪميٽي پيڪا ايڪٽ ۾ ترميم جي منظوري ڏئي ڇڏي.