سپريم ڪورٽ جي چيف جسٽس قاضي فائز عيسيٰ جي پرڏيهه دوري سبب جسٽس منيب اختر وقتي چيف جسٽس طور ذميواريون نڀائيندو.
جسٽس منيب اختر وقتي چيف جسٽس طور سڀاڻي قسم کڻندو، جسٽس يحيٰ آفريدي جسٽس منيب کي وقتي چيف جسٽس جو قسم کڻائيندو.
قسم کڻڻ واري تقريب صبح ساڍي ڏهين وڳي سپريم ڪورٽ ججن بلاڪ ۾ ٿيندي.
چيف جسٽس قاضي فائز عيسيٰ 18 کان 22 مئي تائين آذر بائيجان جو دورو ڪندو، جتي هو ايس سي او اجلاس ۾ شرڪت ڪندو، سينيئر جج جسٽس منصور علي شاهه به پرڏيهي دوري تي آهي
