سپريم ڪورٽ پنجاب جي اڳوڻي وڏي وزير پرويز الاهي جي ضمانت بابت درخواست تي ٻڌڻي دوران لاهور هاءِ ڪورٽ کي 21 آگسٽ تي درخواستن تي فيصلو ڪرڻ جو حڪم ڏئي ڇڏيو.
سپريم ڪورٽ ۾ پنجاب جي اڳوڻي وڏي وزير پرويز الاهي جي ضمانت بابت درخواست جي ٻڌڻي ٿي.
جسٽس اعجاز الاحسن جي سربراهيءَ ۾ 3 رڪني بينچ درخواست جي ٻڌڻي ڪئي.
ٻڌڻي دوران عدالت چيو ته لاهور هاءِ ڪورٽ کي 21 آگسٽ تي درخواستن تي فيصلو ٻڌائي.
عدالت چيو ته لاهور هاءِ ڪورٽ 21 آگسٽ تي فيصلو نه ڪري سگهي ته گرفتاري جو عبوري حڪم نامو معطل تصور ٿيندو.
عدالت ڪيس جي ٻڌڻي اڻڄاتل مدي تائين ملتوي ڪري ڇڏي.
لاهور هاءِ ڪورٽ عبوري حڪم نامي ۾ پرويز الاهي جي ضمانت رد ڪئي هئي.
