سکر بئراج جي گيٽ جو ڪم جاري آهي، واهن ۾ 20 سيڪڙو پاڻي جي کوٽ برقرار آهي.
24ڪلاڪن ۾ 15 هزار ڪيوسڪ پاڻي پهچڻ باوجود سکر بئراج جي واهن ۾ پاڻي جي کوٽ برقرار آهي.
63هزار 400 ڪيوسڪ پاڻي گهرج مان واهن کي رڳو 51 هزار 110 ڪيوسڪ پاڻي ملي رهيو آهي.
سکر بئراج وٽ مٿانهون وهڪرو هڪ لک 15 هزار 5 ڪيوسڪ ۽ هيٺانهون وهڪرو63 هزار 895 ڪيوسڪ رڪارڊ ڪيو ويو آهي.
گڊو بئراج وٽ مٿانهون وهڪرو هڪ لک 70 هزار 107 ڪيوسڪ ۽ هيٺانهون وهڪرو هڪ لک 29 هزار 488 ڪيوسڪ رڪارڊ ڪيو ويو.
جڏهن ته ڪوٽڙي بئراج وٽ 33 سيڪڙو پاڻي جي کوٽ برقرار آهي.
ڪوٽڙي بئراج وٽ مٿانهون وهڪرو 24 هزار 750 ڪيوسڪ ۽ هيٺانهون وهڪرو 1485 رڪارڊ ڪيو ويو آهي.
سکر بئراج جي کيرٿر ڪئنال کي پاڻي گهر 8 هزار 475 ڪيوسڪ آهي جڏهن ته واهه ۾ رڳو 4 هزار 950 ڪيوسڪ پاڻي ڇڏيو پيو وڃي.
رائيس ڪئنال کي پاڻي گهرج 14 هزار 355 ڪيوسڪ آهي ۽ ڪئنال کي 12 هزار 200 ڪيوسڪ پاڻي ملي رهيو آهي.
دادو ڪئنال کي 5 هزار 837 ڪيوسڪ بدران 2 هزار 5 سئو ڪيوسڪ پاڻي ملي رهيو آهي.
خيرپور فيڊر ايسٽ کي 2 هزار 25 ڪيوسڪ مان 1960 ڪيوسڪ پاڻي ملي رهيو آهي.
روهڙي ڪئنال کي 16 هزار 963 ڪيوسڪ مان 13 هزار 900 ڪيوسڪ پاڻي فراهم ڪيو پيو وڃي.
خيرپور فيڊر ويسٽ کي 2 هزار 20 گهرج مان 1600 ڪيوسڪ پاڻي ملي رهيو آهي.
نارا ڪئنال کي ئي رڳو گهرج موجب پاڻي ملي رهيو آهي.
سکر بئراج وٽ واهن کي پاڻي نه ملڻ جو سبب گيٽ نمبر 47 جو ڪم مڪمل نه ٿيڻ آهي.
آبپاشي ذريعن جو چوڻ آهي ته پاڻي ۾ واڌ سبب گيٽ نمبر 47 تي ٻڌل عارضي بند پڻ ڪمزور ٿي رهيو آهي.
