سکر ويجهو عطراڻي برادري جي ٻن ڌرين ۾ جهيڙي دوران فائرنگ

سکر ويجهو عطراڻي برادري جي ٻن ڌرين ۾ جهيڙي دوران فائرنگ ۾ مامو ۽ ڀاڻيجو مارجي ويا آهن. ڳوٺ گنج علي ۾ زمين جي مالڪي جي تڪرار تان عطراڻي برادري جي ٻن ڌرين وچ ۾ جهيڙي دوران هٿياربندن گوليون هڻي ستار ۽ نور حسن کي قتل ڪري ڇڏيو. اطلاع تي پوليس واقعي واري هنڌ پهچي لاش کڻائي اسپتال منتقل ڪيا، جتان پوسٽ مارٽم ڪرائڻ بعد مڙهه وارثن حوالي ڪي ويا. پوليس جو چوڻ آهي ته واقعو زمين جي مالڪي جي تڪرار تان پيش آيو آهي، وڌيڪ جاچ ڪئي پئي وڃي.