سکر پوليس مقابلي دوران هڪ ڏوهاري کي زخمي حالت ۾ گرفتار ڪري سندس قبضي مان پسٽل هٿ ڪرڻ جي دعوى ڪئي آهي.
پوليس موجب، سائيٽ ٿاڻي جي حد ليبر ڪالوني ڀرسان ڏوهه جي ارادي سان بيٺل هٿياربندن سان مقابلو ٿي پيو، فائرنگ جي ڏي وٺ کانپوءِ هڪ ڄڻي کي زخمي حالت ۾ گرفتار ڪيو جڏهن ته سندس ساٿي فرار ٿي ويو.
پوليس موجب، زخمي حالت ۾ گرفتار جوابدار جي سڃاڻپ آصف علي جي نالي سان ٿي جنهن کي طبي امداد لاءِ سکر سول اسپتال منتقل ڪيو ويو، جوابدار جي قبضي مان پسٽل ۽ گوليون هٿ ڪيون ويون.
پوليس موجب، گرفتار ڏوهاري خلاف سکر جي ٿاڻن ۾ ست کان وڌيڪ ڪيس داخل هئا پوليس ان سان گڏ سندس ڪرمنل رڪارڊ ٻين ضلعن مان به گڏ ڪيو پيو وڃي.
