انچارج سي ٽي ڊي راجا عمر خطاب چيو آهي ته شروعاتي طور تي آپگهاتي حملو پابندي مڙهيل تنظيم جو لڳي ٿو، ٽن گاڏين ۾ پرڏيهي وڃي رهيا هئا، آپگهاتي بمبار ويجهو موجود هو، سڪيورٽي ڪمپني جي ملازم فائرنگ ڪئي آهي، حملو ناڪام ٿيو آهي، آپگهاتي حملي ۾ سمورا پرڏيهي محفوظ آهن.
ڪراچيءَ ۾ ميڊيا سان ڳالهائيندي راجا عمر خطاب چيو ته پرڏيهي شهرين جي گاڏي اسپيڊ بريڪر تي آهستي ٿي ته حملو ڪيو ويو.
سندس چوڻ هو ته سي ٽي ڊي ڪم ڪري رهي آهي، حملي جون شاهديون مليون آهن، سي ٽي ڊي ان کان اڳ به ڪيترائي دهشتگرد ٽولا گرفتار ڪيا آهن.
انچارج سي ٽي ڊي راجا عمر خطاب چيو ته پوليس سي ٽي ڊي جو حصو آهي، سي ٽي ڊي پوليس جو حصو آهي، سي ٽي ڊي جي ڪاررواين جي حوالي سان ڪيترن ئي ڪيسن جو ميڊيا تي ذڪر ناهي ڪيو ويندو.
