وڏي وزير مراد علي شاهه چيو آهي ته شفافيت، تصديق ۽ تحقيق سان گڏ خبرون نشر ۽ شايع ڪرڻ سان صحافت جو معيار بهتر ٿيندو آهي.
سنڌ جي وڏي وزير مراد علي شاهه خبرن جي عالمي ڏينهن ڏينهن تي پيغام جاري ڪندي چيو آهي ته اڄ خبرون جو عالمي ڏينهن “سچائي جي چونڊ ڪريو” جي عنوان سان ملهايو پيو وڃي.
وڏي وزير مراد علي شاهه چيو ته خبرن ۾ سچائي جي چونڊ صحافين جو عزم هئڻ گهرجي.
وڏي وزير مراد علي شاهه چيو ته سوشل ميڊيا غلط خبرن جو ڳڙهه بڻجي وئي آهي.
هن چيو ته سوشل ميڊيا سنسني خيز ۽ ڪلڪ بيٽ جي چڪر ۾ احتياط ۽ تصديق شده معلومات کي ختم ڪري ڇڏيو آهي.
وڏي وزير مراد علي شاهه چيو ته اهڙي ماحول جي برعڪس صحافت پنهنجو مثبت ڪردار ادا ڪري رهي آهي.
هن چيو ته صحافت جي سالميت کي برقرار رکڻ لاءِ تصديق ٿيل خبرن تائين پهچ رکڻ لازمي آهي.
وڏي وزير چيو ته خبرن جي حقيقت کي اڳيان آڻڻ صحافين ۽ ادارن جي ذميواري آهي.
وڏي وزير مراد علي شاهه چيو ته سنڌ حڪومت صحافت جي آزادي تي يقين رکي ٿي.
