پنجاب جي وزيراعليٰ مريم نواز چيو آهي ته شهباز شريف ۽ مريم نواز، نواز شريف جا سپاهي آهن، حڪومت ته نواز شريف جي آهي، جڏهن به مسلم ليگ نون جي حڪومت آئي آهي ته سازش ڪري هٽايو ويندو آهي، حڪومت پنج سال پورا ڪندي ته پاڪستان ۽ پنجاب تبديل نظر ايندو، جڏهن سياسي بنياد تي پوليس جي پوليسنگ ٿيندي ته پوليس پرفارم نه ڪندي، سياسي مفاد بدران پنجاب جي ماڻهن جو مفاد وڌيڪ پيارو آهي، ماڻهن جي زندگين ۾ بهتري آڻڻ لاءِ جيڪو ممڪن ٿيو ڪيو ويندو، نوجوانن لاءِ ٽيڪنيڪل تعليم شروع ڪئي وئي آهي.
ڦول نگر ۾ تقريب کي خطاب ڪندي مريم نواز چيو ته ڪڻڪ جي خريداري ۾ ڪرپشن جي رستا روڪ ڪئي وئي آهي، ايندڙ ڪڻڪ جي فصل کان اڳ آبادگارن لاءِ 400 ارب رپين جي پئڪيج تي عمل ڪيو ويندو، پنجاب ۾ مهانگائي وڌيڪ گهٽ ڪئي ويندي.
سندس چوڻ هو ته ن ليگ حڪومت پنج سال پورا ڪري وئي ته پاڪستان ۽ پنجاب تبديل نظر ايندو، شهباز شريف ۽ مريم نواز، نواز شريف جا سپاهي آهن، حڪومت ته نواز شريف جي آهي.
پنجاب جي وزيراعليٰ مريم نواز چيو ته جڏهن به مسلم ليگ نون جي حڪومت آئي آهي سازش ذريعي ختم ڪئي ويندي آهي، هاڻي نواز شريف جي چوٿون ڀيرو حڪومت ۾ ترقي جو سفر شروع ٿيو آهي، ان کي رڪجڻ ناهي ڏيڻو.
