شهدادڪوٽ پوليس ڪارروائي دوران ڪار مان منشيات هٿ ڪري ڊرائيور کي گرفتار ڪري ورتو.
اي سيڪشن ڳجهي اطلاع تي قمبراڻي روڊ تي ڪارروائي ڪري ڪار مان 500 نشي وارين سوپارين جا پيڪيٽ ۽ وڏي مقدار ۾ گٽڪو هٿ ڪري ورتو.
پوليس موجب، ڪارروائي دوران ڪار ڊرائيور نادر شيخ کي گرفتار ڪيو ويو جڏهن ته هڪ ڄڻو فرار ٿي ويو.
پوليس موجب، گرفتار ڪار ڊرائيور نادر شيخ جو تعلق بلوچستان جي علائقي اوستا محمد سان آهي، سندس خلاف ڪيس داخل ڪري وڌيڪ جاچ شروع ڪئي وئي آهي.
