شھدادڪوٽ ۾ ٻوڏ متاثر عورتن ۽ مردن نظر انداز ڪرڻ خلاف احتجاجي مظاهرو ڪري نعريبازي ڪئي.
يونين ڪائونسل مستوئي جي ڳوٺ مٺو خان مستوئي، گل محمد مستوئي ۽ ڇٽو خان مستوئي جي ٻوڏ متاثرن پريس ڪلب آڏو مظاهرو ڪري نعريبازي ڪئي.
ان موقعي تي ٻوڏ متاثر بچل باغي، خانزادي مستوئي، مارئي مستوئي، ضميران مستوئي ۽ ٻين چيو ته 2022 جي ٻوڏ دوران سندن گهر ڊهي پٽ پئجي ويا، لاڙ اين جي اوز سروي ڪئي.
هنن چيو ته هڪ سال کانپوءِ لاڙ هيومن ڊولپمينٽ جو ضلعي انچارج مولا بخش عمراڻي متاثرن لاءِ آيل امدادي سامان شفارس تحت حقيقي متاثرن بدران من پسند ماڻهن کي ڏئي رهيا آهن. متاثرن مطالبو ڪيو ته ڄاڻايل اين جي اوز جي ضلعي انچارج خلاف ڪارروائي ڪري حقيقي متاثرن کي انصاف ڪيو وڃي .
