تازه ترين

عالمي برادري کي والاريل ڪشمير ۾ انساني حقن جي ڀڃڪڙين جو نوٽيس وٺڻ گهرجي،ممتاز زهرا بلوچ

پرڏيهي آفيس جي ترجمان ممتاز زهرا بلوچ چيو آهي ته عالمي برادري کي والاريل ڪشمير ۾ انساني حقن جي ڀڃڪڙين جو نوٽيس وٺڻ گهرجي، ڀارت 2003ع جي جنگبندي بابت معاهدي جي مسلسل ڀڃڪڙي ڪري رهيو آهي،21 آگسٽ تي لائن آف ڪنٽرول تي فائرنگ مذمت جوڳو عمل آهي، ڪشميرين جي سياسي، سفارتي ۽ اخلاقي حمايت جاري رکي ويندي.

اسلام آباد ۾ هفتيوار بريفنگ ڏيندي ممتاز زهرا بلوچ چيو ته نگران وزيراعظم انوار الحق ڪاڪڙ خميس ڏينهن پرڏيهي وزارت جو دورو ڪيو، نگران وزيراعظم کي پاڪستان جي مختلف ملڪن سان لاڳاپن بابت بريفنگ ڏني وئي.

سندس چوڻ هو ته سعودي عرب جي حج واري وزير پاڪستان جو دورو ڪيو، حج سان لاڳاپيل معاملن تي ڳالهيون ٿيون.

 پرڏيهي آفيس جي ترجمان ممتاز زهرا بلوچ چيو ته سعودي وفد صدر عارف علوي، نگران وزيراعظم ۽ گورنر سنڌ سان ملاقاتون ڪيون، سعودي عرب ۽ پاڪستان ۾ معاهدا به ٿيا.

هن چيو ته پاڪستان 21 آگسٽ تي لائن آف ڪنٽرول تي فائرنگ جي مذمت ڪري ٿو، ڀارت 2003ع جي سيز فائر معاهدي جي مسلسل ڀڃڪڙي ڪري رهيو آهي.

پرڏيهي آفيس جي ترجمان ممتاز زهرا بلوچ چيو ته گڏيل قومن هڪ ڀيرو ٻيهر والاريل ڪشمير ۾ انساني حقن جي ڀڃڪڙين تي ڳڻتي جو اظهار ڪيو آهي، ڀارت ڪشميرين خلاف ظلم فوري طور بند ڪري، پاڪستان پاران ڪشميرين جي سياسي، سفارتي ۽ اخلاقي حمايت جاري رکي ويندي.

لاڳاپيل خبرون

1,523,504FansLike
46,929FollowersFollow
209FollowersFollow
12,215FollowersFollow
108,000SubscribersSubscribe
Pakistan
overcast clouds
16.9 ° C
16.9 °
16.9 °
28 %
2.5kmh
100 %
جمعو
17 °
ڇنڇر
20 °
آچر
18 °
سُومر
18 °
اڱارو
22 °

تازه ترين خبرون