عثمان شاهه هڙي ۾ پوليس طرفان 40 لک رپين جي چوري ۾ ملوث هڪ وڌيڪ جوابدار کي گرفتار ڪرڻ جي دعويٰ ڪئي وئي آهي.
پوليس جو چوڻ آهي ته ڳوٺ پيرو ٿيٻو مان غلام حيدر ٿيٻي جي گهر مان 40 لک رپين جي چوري ڪندڙ جوابدار گلشير خاصخيلي کي کي گرفتار ڪري سندن وٽان 10 لک 93 هزار رپيا، هڪ پسٽل ۽ 2 گوليون هٿ ڪيون ويون آهن.
پوليس جو چوڻ آهي ته گرفتار جوابدار خلاف نوشهرو فيروز، ڄامشورو ۽ ٽنڊو الهيار ضلعي ۾ 9 کان وڌيڪ ڪيسن ۾ ملوث آهي.
ٻه ڏينهن اڳ پوليس چوري ڪيس ۾ ٻن جوابدارن کي گرفتار ڪري سندن قبضي مان 16 لک رپيا هٿ ڪري ورتا آهن.
