عدالت ۾ پير عمر جان سرهندي ۽ سي آءِ اي جي اڳوڻي انچارج عنايت زرداريءَ جي درخواستن تي ٻڌڻي

سنڌ هاءِ ڪورٽ ميرپورخاص سرڪٽ بئنچ ڊاڪٽر شاهنواز قتل ڪيس ۾ پير عمر جان سرهندي ۽ پوليس جون درخواستون رد ڪندي ايف آءِ اي کي جاچ جو حڪم ڏئي ڇڏيو آهي. عدالت ۾ پير عمر جان سرهندي ۽ سي آءِ اي جي اڳوڻي انچارج عنايت زرداريءَ جي درخواستن تي ٻڌڻي ٿي. عدالت ڌرين جا دليل ٻڌڻ کانپوءِ پير عمر جان سرهندي ۽ پوليس جون ڪيس ختم ڪرڻ بابت داخل درخواستون رد ڪندي ايف آءِ اي کي جاچ ڪرڻ جو حڪم ڏنو. وڪيلن علي پلهه، بئريسٽر اسد الله شاھ راشدي ۽ اصغر ناريجو ميڊيا سان ڳالهائيندي چيو ته فيصلو ڊاڪٽر شاھنواز جي وارثن جي حق ۾ آيو آھي. هنن چيو ته سندن خواھش آھي تھ معاملي جي عدالتي جاچ ڪرائي وڃي، جڏهن ته ايف آءِ اي ھن ڪيس جي لڪل ٻين ڪردارن کي ڳولڻ ۾ بھ عدالت جي مدد ڪري. سندن چوڻ هو ته عدالت پوليس کي جاچ ڪرڻ کان روڪيندي ايف آءِ اي کي ڪيس جي انڪوائري ڪرڻ جو حڪم ڏنو آهي. وڪيلن وڌيڪ چيو تھ ايف آءِ اي ڪيس جي جاچ ڪندي ۽ ان جي نگراني نيشنل ھيومن رائيٽس ڪميشن ڪندي، جاچ ۾ واضح ٿي ويندو ته ڊاڪٽر شاھنواز کي سنڌڙيءَ ۾ يا ڪنھن ٻئي هنڌ قتل ڪيو ويو هنن چيو ته عدالت کي درخواست ڪئي ته مک جوابدارن ڊي آءِ جي ۽ ايس ايس پيز جي گرفتاريءَ لاءِ سندن گھرن تي ڇاپا ھنيا وڃن، جيڪڏهن پوليس گرفتاريون نٿي ڪري تھ رينجرز کان مدد ورتي وڃي