غزا تي اسرائيلي فوج جا حملا  جاري آهي، تازن حملن ۾ وڌيڪ 27 فلسطيني شهيد ۽ 150 کان مٿي زخمي ٿيا

غزا تي اسرائيلي فوج جا حملا  جاري آهي، تازن حملن ۾ وڌيڪ 27 فلسطيني شهيد ۽ 150 کان مٿي زخمي ٿيا آهن. عرب ميڊيا جو چوڻ آهي ته جباليه ۾ اسرائيلي ويڙهاڪ جهازن جي بمباري سبب 4 ڄڻا شهيد ٿي ويا. عرب ميڊيا موجب، الوفا اسپتال تي اسرائيلي حملي ۾ 8 ڄڻن شهادت ماڻي جڏهن ته غزا شهر تي اسرائيلي حملن ۾ 2 ڄڻا شهيد ۽ 12 زخمي ٿيا. هڪ رپورٽ موجب، خيمن ۾ سخت ٿڌ سبب 6 ٻارن سميت 14 ڄڻا فوت ٿي ويا. ٻئي پاسي القسام برگيڊ اتر غزا ۾ 5 اسرائيلي فوجين کي مارڻ جي دعويٰ ڪئي آهي. ٻئي پاسي صحت واري عالمي اداري ڪمال عدوان اسپتال جي ڊائريڪٽر ابو حسام کي بدنام زمانه اسرائيلي جيل تيمان مان فوري طور تي آزاد ڪرڻ جو مطالبو ڪيو آهي.