غزا تي اسرائيلي وحشياڻي ڪاررواين دوران وڌيڪ 306 فلسطيني شهيد ٿي ويا.
فلسطيني صحت واري وزارت طرفان جاري بيان موجب،گذريل 24 ڪلاڪن دوران اسرائيلي حارحيت ۾ وڌيڪ 306 فلسطيني شهيد ٿي ويا جنهن کانپوءِ 7 آڪٽوبر کان هن وقت تائين شهيد ٿيلن جو انگ 10 هزار 328 ٿي ويو آهي.
بيان ۾ چيو ويو آهي ته گذريل 24 ڪلاڪن دوران اسرائيلي ڪاررواين ۾ 78 عورتون ۽ 139 ٻار شهيد ٿيا.
مجموعي طور تي غزه ۾ هن وقت تائين 27 سئو 19 عورتون ۽ 42 سئو 37 ٻار شهيد ٿي چڪا آهن.
فلسطيني صحت واري وزارت ٻڌايو ته اسرائيلي جارحيت ۾ زخمي فلسطيني جو انگ 25 هزار 965 کان وڌي ويو آهي.
بيان ۾ گڏيل قومن ۽ ريڊ ڪراس سوسائٽي کان مطالبو ڪيو وي ته طبي مرڪزن ۽ ايمبولينسن کي تحفظ فراهم ڪري اسرائيل جي حارحيت روڪرائي وڃي.
ان کان اڳ حڪومت ميڊيا آفيس طرفان جاري بيان ۾ ٻڌايو ويو هو ته اسرائيلي بمباري سبب هر منٽ ۾ هڪ زخمي اسپتال پهچندو آهي جڏهن ته هر ڪلاڪ ۾ 15 ميتون اسپتال ۾ پهچايون وينديون آهن…..
