امريڪي صدر ڊونلڊ ٽرمپ چيو آهي ته غزه جنگ بندي برقرار رهڻ جي ڪابه ضمانت ناهي، کيس يقين آهي ته اسرائيل ۽ حماس وچ ۾ جنگ بندي جاري رهندي.
اوول آفيس ۾ صحافين سان ڳالهائيندي امريڪي صدر چيو ته ڪينيڊا جي وزيراعظم جسٽن ٽروڊو سان فون تي سٺي ڳالهه ٻولهه ٿي، ڪينيڊا ساڻن سٺو ناهي ڪيو، امريڪا کي ڪينيڊين زراعت، ڪارن ۽ ڪاٺ جي ضرورت ناهي.
هن چيو ته ميڪسيڪو کان ٽيڪس معاملن تي عارضي معاملا طئي ٿي ويا آهن، چين سان به ايندڙ 24 ڪلاڪن ۾ ڳالهيون ٿي سگھن ٿيون، چين ڊگھي عرصي تائين پاناما ڪينال ۾ شامل نٿو رهي سگھي.
امريڪي صدر وڌيڪ چيو ته يوڪرين کي چئي ڇڏيو آهي ته انهن وٽ قيمتي زمينون آهن، خواهش آهي ته يوڪرين اهي قيمتي زمينون امريڪا کي ڏئي، ايلون مسڪ سان گڏيل دلچسپي جي معاملي تي اختلاف ناهن.
