غزه ۾ اسرائيل جي حملن ۾ وڌيڪ 38 فلسطيني شهيد ۽ حماس جي حملي ۾ ٽي اسرائيلي فوجي مارجي ويا آهن.
الجزيره موجب اسرائيل جي حملن ۾ وڌيڪ 38 فلسطيني شهيد ٿي ويا آهن، خان يونس ۽ ڀرپاسي وارن علائقن ۾ حملن جي نتيجي ۾20 عورتون ۽ ٻار به شهيد ٿيلن ۾ شامل آهن.
فلسطيني ريڊ ڪريسنٽ سوسائٽي موجب 14 لاش خان يونس شهر جي ناصر ميڊيڪل ڪمپليڪس آندا ويا.
هوڏانهن اسرائيلي فوج غزه جي پٽيءَ ۾ ٻن مختلف واقعن ۾ ٽي اسرائيلي فوجي مارجڻ جي تصديق ڪئي آهي.
اسرائيلي فوج موجب 2 فوجي زيتون محلي ۾ هڪ عمارت ٻاهران نصب بم ڌماڪي ۾ مارجي ويا، جڏهن ته ٽيون فوجي نيٽزارم ڪوريڊور ويجهو هٿياربندن جي حملي ۾ مارجي ويو.
