غزه ۾ جنگ بندي ڳالهين دوران اسرائيلي فورسز جا حملا جاري، 50 کان وڌيڪ ٻارن سميت 84 فلسطيني شهيد

غزه ۾ جنگ بندي ڳالهين دوران به اسرائيلي فورسز جا حملا جاري آهن، حملن ۾ ٻارن سميت 80 کان وڌيڪ فلسطيني شهيد، 170 لاپتا ۽ ڪيترائي زخمي ٿي پيا. عرب ميڊيا جو چوڻ آهي ته اسرائيلي فورسز جي غزه جي ٻن رهائشي عمارتن تي بمباري ڪئي. عرب ميڊيا موجب، اسرائيلي فورسز جي وچ غزه ۽ ٻين علائقن ۾ گولا باري ۽ فائرنگ جو سلسلو جاري آهي. عرب ميڊيا رپورٽن موجب، حملن  سبب نصيرات ۾ 9، الصفاوي ۾ 3 ۽ بيت الاهيه ۾ 8 فلسطيني شهيد ٿي ويا. 7 آڪٽوبر 2023 کان هن وقت تائين اسرائيلي حملن ۾ شهيدن جو انگ 43 هزار 314  تائين پهچي ويو آهي جڏهن ته صهيوني فوج جي بربيت سبب هڪ لک 2 هزار 19 ماڻهو زخمي ٿي چڪا آهن. ٻئي پاسي فلسطيني اختيارين جو چوڻ آهي ته اتر غزه ۾ صحت جو نظام تباهه ٿي چڪو، اسپتالون بند آهن.