غزه ۾ جيڪو ڪجهه ٿي رهيو آهي اهو قدرتي نه پر انسانن جي پيدا ڪيل تباهي آهي:عاصم افتخار

گڏيل قومن ۾ پاڪستان جي مستقل نمائندي عاصم افتخار چيو آهي ته غزه ۾ جيڪو ڪجهه ٿي رهيو آهي اهو قدرتي نه پر انسانن جي پيدا ڪيل تباهي آهي. سلامتي ڪائونسل ۾ وچ اوڀر جي صورتحال تي اجلاس کي خطاب ڪندي عاصم افتخار چيو ته اسرائيل جي غزه ۾ امداد جي ناڪابندي ناقابل تصور انساني الميئي کي جنم ڏنو آهي. هن وڌيڪ چيو ته غزه ۾ جاري ظلمن کي روڪڻ لاءِ هاڻي صرف لفظ ڪافي نه آهن، غزه ۾ فلسطينين جي نسل ڪشي کي عملي طور تي روڪڻو پوندو. ٻئي طرف، اجلاس ۾ فلسطيني نمائندو اسرائيل جي وحشياڻن حملن ۽ امداد جي بندش سبب غزه ۾ هزارين ٻارن جي شهادت ۽ ان جي مائرن جو حال ٻڌائيندي روئي ويٺو. فلسطيني وفد روئيندي چيو ته هي ناقابل قبول آهي، ڪير ڪيئن اهو برداشت ڪري سگهي ٿو؟.